Kembang Rampé
déwékné kadanda, bané tuara sangkep né abulan. Lantas ia nagih pipis duang dasa tekén kurenanné, tur clepanga di jit kulukné. Suba kéto laut ia nyemak saput tur majalan sambilanga ngaukin kulukné.
Kacerita jani krama banjaré suba pepek masangkepan, ditu laut Jero Klian ngujangang kramanné né mutrainin.
"I Sendi?"
"Tiang nika"
"Naur nika!" Sret ngebug satakan laut mayah.
"I Tampul".
"Tiang, mangkin, mangkin, tiang naur". Krasak-krisik ngagah babuntilan nglaut mayah. Nah suba kanti pragat pailehné nuduk putra, kani buin Jero Klian ngujangang, nuduk kebakatan né tuara sangkep abulan.
"I Lambang?"
"Tiang, naur nika". Geblos mesuang pipis uli di pakadutanné tur metékang némbelas kéténg
"Pan Angklung Gadang?"
"Tiang, mangkin, mangkin tiang naur nika". Ditu laut Pan Angklung Gadang masebeng rengas, tur ngaukin kulukné, "kuluk kuluk kuluk kletak kletak kletak". Duk ento, nujuang kulukné di batan padangan anaké nyilap-nyilapin tekor. Mara kulukné ningeh munyin pamekelné, lantas ia nyagjagin, ikutné kitir-kitir. Jero Klian buin nulakin ngujangan, "Pan Angklung Gadang, kénkén mayah?" Krama banjare makejang matolihan medasin sasolahan Pan Angklung Gadangé.
Pasuaran Pan Angklung Gadang, "mangkin tiang kari ngambil jinah." Ditu lantas tendas cicingné kasorogang, ikutné kakenjirang, kanti mluing jit cicingné, laut kacanggem aji bungut tur klecot-klecotanga tekén Pan Angklung Gadang, lantas ia nguntul nglepahang pipis uli di bungutné, laut kapatekin kal anggona mayah dedandan nembelas. Nu mesisa pipisné dadua, lantas anggona meli bubuh.
66
