Kesusastran Bali Purwa
duduk nyen. Sané wau wénten kantenang titiang macepol saking kudané, raris duduk titiang tur genahang titiang ring kompek pacanang, inggih yan nika iwang, puputang titiang né mangkin!"
Mara kéto kapireng atur Pan Angklung Gadangé, raris Ida inget tekén pangandikanné i tuni. Wiréh ragan Idané iwang ngandikain Pan Angklung Gadang, mawinan prajani Ida ledang tur ngaksama tekén Pan Angklung Gadang.
Kacerita buin puanné, buin Pan Angklung Gadang kandikain ngiringang masiram, tumuli Ida mamargi ka tukad kairing ban Pan Angklung Gadang. Di subané rauh di tukad, raris Ida makayun makébotan, tumuli Ida nyongkok di duur batuné di tengah tukadé. Pan Angklung Gadang masih bareng nglesitang kamben, nyongkok duur batuné di luanan Ida Anaké Agung, tur ia maseden, mligedan mesuang bacin. Kandugi bendu pesan Ida, tumuli kajambak boknyane Pan Angklung Gadang, tur kasilemang kanti slegak-slegak. "Jani suba taenang dosan ibané langgia tur tan pasemu tekén gelah".
Mara kéto dingeha pangandikan Idané, laut Pan Angklung Gadang ngenggalang nuléngek tur nyumbah nunas pangampura. "Inggih Ratu Déwa Agung, boya ja titiang sangkaning langgia ring palungguh Cokor I Déwa, mula titiang mamanah subakti pisan mamarekan ring I Déwa. Sakadi mangkin I Déwa makoratan, bacin Cokor I Déwa anyud ngatebénan, manah titiangé mangda rauhing tain titiangé taler bakti ngiring bacin palungguh cokor I Déwa. Ida Anaké Agung ica, nuli ngandika "nah Pan Angklung Gadang, jani kema suba mulih, suud suba iba mamarekan tekén gelah!"
Suba koné kéto kacerita jani Pan Angklung Gadang nongos di Desa Anu ngajak kurenannya, tur ngelah kuluk berag abesik. Kacerita né nyanan dauh teluné, banjarané lakar masangkepan. Dadiannya Pan Angklung Gadang inget tekén
