Kembang Rampé
kamelikan cicingné, kanti ngelap ia luas mabalih tusing mabekel pipis, kacager kulukné lakar nyadianang pipis.
Kacerita suba koné néked di pabalihan-balihan. Béh bek jejel anaké mabalih, muah dagang sarwa éndah, ada ngadep woh-wohan, ada madagang nasi, dagang tuak, buin dagang magenép sing bakat baan nyarca.
Kocapan I Wayan Sébetan ngetakang cicingné, tumuli mreren tur négak di dagang nasiné, laut ia meli nasi, jaja, who-wohan, muah tur pada kadaar ditu. Cicingné masih kebeliang nasi atekor kanti begeh basang né ngamah.
Dening cicang kamula berag, buin sing pati taén ngamah, jani mara uling ibi kapepekang ngamah, kanti puntedan basang cicingné, dulurin tondén maan meju. Nah, suba koné makelo I Wayan Sébetan négak ditu mablanja, jani lakar mayah, lantas penékanga cicingné di baléné. Kenehné apang tinggar cicingné mara mesuang pipis, apang terang anaké pada ningalin. Déning kéto, makejang Anaké pada gaok ningalin laksanan I Wayan Sébetan. Ditu I Wayan Sébetan sumingkin mraras ningtingang ikut cicingné. Suba kanti mluing jit cicingné, lantas caploka tur klecot-klecotanga, limanné sambilanga mespes-mespesang basang cicingé. Déning basang cicing suba pundetan, kanti ngencotang pesan I Wayan Sébetan ngiup jit cicingné, kandugi magablosan pesu tai katos macelep ngliwat kakolongan, cangkemné masih bek ngemu tai. Kanti keles baana nyanggem jit cicingné, lantas telah tainé katos, dadi tai mising makecrét, bek tangkahné muah kambenné I Wayan Sébetan magué-gué kena tain cicing mising, bon nyané mayuryuran ngebekin warung, kanti onya rarud anaké mablanja ditu, kayang dagang masih uyut makwewengan, tuara kodag ngadek bonné pengit maruangan.
Kocapan I Wayan Sébetan ngencolang ia bangun tur mlaib ka tlabahé, ukék-ukék delu-delu utah-utah tur malebleban ia di tlabahé sambilanga ngumbah panganggoné.
68
