Kembang Rampé
ja icang jlanan!"
"Nyén ento I Bawang?" Jabin tomplok tendasné aji patin tambah".
Dining tusing nyak ampakin tekén mémé bapanné, mesuang lantas ia, lantas ngojog kaumah dadongné. Suba teked ditu, makaukan lantas I Bawang nagih ampakin jlanan., "dadong, dadong ampakin icang jlanan!"
"Ngéngkén I Bawang mai, kema magedi, nyan payu bakat agel tendasné aji batu panyakcakan," kéto abet dadongné. Buin koné I Bawang makaukan, "Kesuna, Kesuna, dong ampakin cang jlanan!"
"Nyén ento, I Bawang, nyai awak sayanganga tekén i mémé sing kema anaké mulih, jumah temokang kasukanné padidian. Nyai da ngalih oké buin, oké dadi jlema jele. Kema nyai magedi! Payu bakat centangin tendasné aji kancing jlanan nyen," kéto abetné I Kesuna, magedi koné lantas I Bawang. Salantang jalan ia mangeling gerong-gerong, tuara karoan pangungsiné. Kéweh pesan ia makeneh, budi mulih mlipetan mémé bapa tuara nyak ngampakin jlanan. Lantas ditu di sisin rurungé ia medem. Sakit tatuné jani nyangetang dogén, awakné beseh makaukud. Déning kéto, makelo-kelo I Bawang lantas mati.
12. Pan Angklung Gadang
Kacerita di Desa Anu ada koné anak madan Pan Angklung Gadang. Yan di pawangwanganjlema bocok, mapi-mapi belog, mirib tuara nawang kangin kauh, nanging yén tlektek dayané kerepan tekén bulun méng. Pang Angklung Gadang ia mamarekan di purian.
Kocap ri sedek dina anu, Ida Anaké Agung makayun pacang lunga ka gunung, tumuli ngandikain Pang Angklung Gadang, "ih, Bapa Angklung Gadang, gelah jani lakar ka gunung, kema iba ngétéh-étéhin jaran apang enggal!"
"Inggih, sandikan Cokor I Déwa titiang sairing", kéto
