Kesusastran Bali Purwa
"Dong, Kesuna, baang ja adina ngidih akatih, sing pedalem adiné kéné ngeling. Sing inget kéto nyai manyama?"
Masaut I Kesuna, "yé, icang manyama ajak I Bawang. Lamun kéto I Bawang ubuhan ia masih patuh buka icangé. Icang anak ubuhan." Kéto abetné I Kesuna ngliyem lantas méménné mulih ajak I Bawang. Suba koné teked jumahné, ngomong lantas I Bawang, "Mémé, Mémé, icang tigtig ja cara I Kesuna, apang icang maan pangago mas-masan buka I Kesunané". Keto pangidih panakné, lantas méménné nyemak saang kandikan tur nigtig I Bawang. Aéng koné geluranné I Bawang telah metatu awakné mecuab-cuab pesu getih. Pesu lantas I Bawang ngarod-arod ngeling, keneh ngutang-utang iba nuutang pajalan I Kesuna. Suba néked di bete, tepukina lantas I Crukcuk Kuning ané ngotolin I Kesuna. Ditu lantas I Bawang matimpuh nundén I Crukcuk Kuning ngotolin ibanné, "Crukcuk Kuning, dong gotol tendas kainé, apang mesu belengker mas!", kéto abetné I Bawang. Sawireh keto pangidihanné, I Crukcuk Kuning ngotolin tendasné I Bawang, ojog-ojoga tatuné gotola. Aéng koné gietanné I Bawang naenang sakitné, masih tusing mesu blengker. Tundena lantas I Crukcuk Kuning ngotolin baongné. Gotolina lantas baongné I Bawang, masih ojog-ojog benengan tatuné. Déning tusing nyidaang koné I Bawang naenang sakit, mara suudanga ngotolin tekén I Crukcuk Kuning. Inget ia suba peteng lantas magadaban ia mulih gryang-grayang. Teked jumahné lantas ia kauk-kauk nagih ampakin jlanan, "Mémé, Mémé, ampakin icang jlanan!"
"Nyén ento kauk-kauk?"
"Icang I Bawang"
"I Bawang, ngéngkén iba mulih, jabanin tomplok tendasné aji blida. Ma siga magedi, awak suud mapianak tekén siga", kéto abet méménné.
Buin koné I Bawang makaukan, "Bapa, Bapa ampakin
61
