Kembang Rampé
ngutang-utang iba tekén I Bawang, népukin Crukcuk Kuning. Tagih idiha koné lantas bungkunganné akatih tekén I Bawang, "Kesuna, Kesuna, oké ngidih ja bungkung akatih ané di jerijiné lék."
Masaut lantas I Kesuna, "nyén né nagih ngidih bungkung, ané nagih nomplok tendas okané aji pabungbungan. Da buin ané di lék, ané di kacing ko oké tuara lega", kéto abet I Kesunané. Lantas I Bawang morahan tekén méméné, "Mémé, Mémé, I Kesuna nak sid dadongné nongos. Icang ukané ngidih api itunian kema, dapetanga icang lantas I Kesuna ditu negak di ampiké. Bih panganggoné icang ngon gati. Makejang mas, blengker mas, bebadong mas, gelang makejang mas. Bungkungané bin ngerok mas, jrijinné pakenyitnyit socané. Icang ngidih ja bungkung akatih tekén I Kesuna, Mémé!".
"To dija koné bakatanga kéto?" Kéto pasaut méménné.
"Ditu di beté, anak Crukcuk Kuning koné ngotolin ibanné, mara gotola tendasné, jeg pesu koné blengker mas, gotola baongné pesu koné bebadong mas. Lengenné, pagelang limanné, bangkiangné, gotol ken Crukcuk Kubing makejang pesu panganngo mas. Jabin gelang batisné dogén not icang slaka. Kema Mémé, idihang icang bungkung tekén I Kesuna!".
"Nah dong jalan bareng kema!" Kéto abet méménné lantas majalan ia ajaka dadua. Kacerita suba koné neked di umah dadongné, mara tepukina I Kesuna ngango mas-masan tekén méménné, prejani koné I Kesuna ngelén ulat.
Ngomong lantas méménné, "cening Kesuna, né dija cening maan kekéné. Baang ja adiné ngidih bungkungé akatih!".
Masaut I Kesuna, "nyén né nagih ngidihang bungkung I Bawang, ané nagih nomplok tendas aji blida. Ané engkénan tundena ngidihang, ané di lék? Da buin ané di lék, ané di kacing tagih idiha icang tuara lega".
60
