Kesusastran Bali Purwa
kauk-kauk nagih ampakin jlanan. "Mémé, Mémé, ampakin icang jlanan!"
"Nyén ento kauk-kauk, I Kesuna? Jabanin tomplok tendasne aji blida, kema siga makaad!" Kéto abet méménné, buin koné I Kesuna makaukan, "Bapa, Bapa, ampakin icang jlanan!"
"Nyén ento, I Kesuna? Jabanin tomplok tendasné aji patin tambah". Buin koné masih makaukan, "Bawang, Bawang, ampakin ja oké jlanan!".
Masaut I Bawang. "Nyén ento I Kesuna? Gediang ibané, nyén payu tomplok tendasné aji pabungbungan."
Déning makejang tusing nyak ngampakin, ada nagih nomplok aji blida, aji patin tambah, ada ané nagih nomplok aji pabungbungan, magedi lantas I Kesuna ngojog kumah dadongné. Ditu masih dapetanga jlanané suba makancing.
Makaukan lantas I Kesuna, "dadong dadong, ampakin icang jlanan!".
"Nyén ento kauk-kauk?"
"Icang cucun dadongé I Kesuna".
"Nah endén malu, dadong enu ngyitin sémbé, ampakina lantas I Kesuna jlanan. Klecek gadembuang. Mara nengok I Kesuna, aéng tengkejut dadongne.
"Né dija nyai maan kéné-kéné, makejang sarwa mas?" Suba pada negak, tuturanga lantas undukné uli panyumu tekén dadongné. Cengeh-cengeh dogén dadongné.
"Nah lamun tera tampina nyai tekén mémé bapan nyainé, dini suba nyai nongos ajak dadong", kéto koné abet dadongné.
Kacerita mani semengan, I Bawang makikén nyakan, ngidih koné ia api kumah dadongné. Mara ia neked ditu, dapetanga lantas I Kesuna negak di ampiké nganggo mas-masan, enggang lantas bungutné I Bawang baan ngonné. Matakon I Bawang tekén embokne, "Kesuna, né dija nyai maan panganggo kéné?" Tuturanga lantas unduk déwékné
59
