Kembang Rampé
ungsina. Ri sajeroning lampah, asing tepukina tekén I Kesuna, tundéna dogén ngematiang ibané. Lantas tepukina I Crukcuk Kuning matinggah di punyan tempuyaké, ento lantas tundena ngamatiang ibanné, ngalad-alad koné ia ngomong sambilanga ngeling. "Crukcuk Kuning, né gotol tendas kainé apang pesan kai mati, med suba kai idup. Adanan suba kai mati padaang tekén kai sakit buka kéné!" Mara kéto abet I Kesunané, teka gotola tendas I Kesunané tekén I Crukcuk Kuning. Tol tol tol tol tol. Mara gotola dadi pesu bléngket mas lantas tendasné I Kesuna. Kendel gati koné I Kesuna, buin lantas tundéna ngotol kupingné!
"Crukcuk Kuning, dong gotol kuping kainé, apang mamesu subang mas!". Gotola koné lantas kupingné maka dadua tekén I Crukcuk Kuning. Tol tol tol tol tol, pesu koné lantas subang mas kupingné I Kesuna maka duang anéh.
"Crukcuk Kuning dong gotol baong kainé, apang mamesu badong mas!" Gotola koné baongné, pesu lantas badong mas masocan pakenyor-nyor.
"Crukcuk Kuning dong gotol lengen kainé, apang mamesu gelangkana mas!" Gotola koné pagelanganné makaduang anéh, pesu lantas gelangkana mas masih masesocan ané melah-melah.
"Crukcuk Kuning dong gotol jrijin kainé apang mebungkung mas!" Gotola koné jrijin I Kesuna, lantas pesu bungkung mas masesocan mirah inten.
"Crukcuk kuning, dong gotol bangkiang kainé, apang mamesu papending mas!" Gotola koné bangkiangné, laut bangkingné misi papending mas. Panyuud tundena koné ngotol pagelangan batisné, makaduang anéh, pesu lentas gelang slaka. Suba pepek panganggonné I Kesuna makejang mas, sajawining kamben baju, makeber lantas I Crukcuk Kuning.
Kacerita suba koné peteng, I Kesuna mulih kumah méménné, dapetanga jlanané suba makancing. Ditu lantas ia
58
