Kesusastran Bali Purwa
atur Pang Angklung Gadang, nglaut banung ngénggalang nyemak kuda palinggihanné, tur kaétéh-étéhin kapasangin kakepuh, kundali, ambed ikut muah canggah bias makejang pada mablongsong slaka. Di subané pragat, lantas Pan Angklung Gadang matur "inggih Ratu Déwa Agung, puniki sampun puput antuk titiang mayasin palinggihan I Ratu, durusang Cokor I Déwa munggah!"
Lantas Anaké Agung ngamunggahin kuda tur buin ngandika, "iba Angklung Gadang, kema jemak pacanangan gelahé, jalan iba ngiringang gelah jani!"
"Inggih, sandikan Cokor I Déwa". Raris Ida Anaké Agung manglinggihin jaran maalon-alon, kairing ban Pan Angklung Gadang negen kompék pacanangan.
Gelisang satua, pamargin Ida Anaké Agung manglinggihin kuda kairing olih Pan Angklung Gadang, suba koné joh ngliwat désa, kaget macepol blongsong amed ikuté, nanging tusing duduka tekén Pan Angklung Gadang.
Kacerita jani suba koné di gunung, tumuli Ida tedun sakéng kudané tur kacingakin kudané makocogan pesu peluh, kandugi kawaspadaang olih Ida, pinganggén kudané kuang, blongsong ambed ikuté kecong, raris Ida ngandika, "ih iba Angklung Gadang, sawiréh iba majalan durian, iba tusing nyingakin blongsong amed ikuté kecag?"
Matur Pan Angklung Gadang, "inggih Ratu Déwa Agung, wantah kantenang titiang, sakéwanten tan wénten purun titiang ngambil punika, santukan durung wénten pangandikan Cokor I Déwa".
Ngandika Ida Anaké Agung, "dong iba Angklung Gadang, nguda sih iba belog pesan. Suba ajinang iba slakané, masih tusing iba ngelah keneh nuduk, nagih orahin dogén. Nah mani puan, yén iba ngiringang gelah, lamun ada macepol uli dijarané duduk men enggalang, penpen di kompéké!"
"Inggih, sandikan Cokor I Déwa titiang sairing."
Tan kacerita Ida Anaké Agung di gunungé, jani suba
63
