Kembang Rampe
lakar enggal ngemasin mati. Beneh suba iba dadi ngamah i manusa!"
Mara aketo munyine I Sampi, beh apa kaden jejeh kenehne I Botol, rasa suba makeber atmane ngalih suargan. Ditu lantas ia buin nglautang pajalanne ngalih I Kedis Sikep. Munyin I Kedise, "anak mula manusane corah pesan dayane. Icang suba ping kuda-kuda kaden bedilina, nanging aget tuara kena baana. Kenehang icang, ada jenenga sesaman icange taen ngelah salah marep teken manusane? Sing pesan icang ngasen taen malasksana jele masih buruna. Panak icange enu cenik-cenik, juanga abana mulihne, nangingke panak icange tusing pesan ada pikenohne tekening ibanne, sajawining anggona plalian dogenan. Miara ia tusing bisa, makelo-kelo mati panak icange makejang, krana naang basangne seduk. Beneh suba iba ngamah ia i manusa, tera ajinanga icang, da pesan baanga ia ngeleb!"
Mara aketo I Sikep, lega pesan kenehne I Samoang tur suba sedia lakar nyarap, I Botol lantas mapuangkid buin acepok, praya lakar ngidih tatimbangan teken sang Kancil, laut majalan. Mara dingehanga baan I Kancil tutur I Botole keto, laut ia bengong mlengokang sambilanga makeneh keneh. Tusing makelo laut I Kancil ngomong, "icang sing ja nyidaang maang tatimbangan apang enggal-enggal. Nanging icang apang tau malu pangawit prakarane tenenan. Suud keto mara icang nyidaang mragatang. Yening cai sig tongose i tunian, wit dadi prakarane buka jani." Ditu laut majalan ajaka tetelu, ngojog tongose jalan I Samoang kena jebag. Sasubane neked ditu, lantas I Kancil matakon teken I Botol, kene patakonne, "ih Botol, dija ia I Samoang majujuk, dugase cai ngampakin jelanan. Tur jelananne kenken kapo tongose duke ento? Ento makejang pang icang nawang?" Ditu lantas I Botol nuturang sakadi-kadine.
Masaut I Kancil, "nah, lamun keto paling melaha iba Samoang macelep malu iba mu1ih, apang kai nawang tongos
44
