Kesusastran Bali Purwa
ibane jani. Gantin kaine jani aget maan ngamah manusa."
I Botol ia tengkejut pesan, laut ia makruna,"yah, iba Samoang, dadi keto iba ngaba keneh tekening kai. Tusing pesan iba bisa males pitresnan anak?"
"Kenken korahang, sing bisa ngalap pitresnan anak, keto?" Da buin kai dadi buron, manusane ane nu tegehan bangsane tuara bisa ngwales tresnan anak," saut sang Samoang.
"Awake tuara pesan ngugu petan ibane keto, ngorahang manusane tuara bisa ngwales tresnan anak. Nah, yan iba tuara ngugu, jalan jani takonang tekening burone ane lenlenan!" Yen manusane benehan, iba rahayu, nanging yan manusane pelih, tan pariwangde iba lakar ngemasin mati amah kai," keto pesautne sang Samoang.
I Botol lantas ia nuut paitungan I Samoang, laut maka dadua lantas majalan. Ditengah jalan lantas ia kacunduk teken I Jaran. I Botol lantas nuturan paundukanne sareng I Samoang.
Sasubane I Botol suud nuturang unduk-unduke teken I Jaran, lantas ia ngomong, "Samoang iba ane beneh, krana manusane tuara pesan bisa ngalap legan anak. Tingalin ja kai, suba kai tua buka jani, laut kai kutanga. I maluan dugas kai nu bajang tur siteng, kai saisai anggone ngedeng dokar, mamondong padi di masan anake manyi, buatu muah ane len-lenan. Buina sing ja kai anggona keto dogenan, nanging pepes masi kai lantigina, buina pangamah kaine tusing ja amunapa. Tulen kai anggona ngalih amah, anggona padidiana dogenan. Beneh pesan buka pamunyin ibane Samoang ngorahang manusane tuara bisa males legan anak, pantes suba iba ngamah buka ia i manusa!"
Lantas buin makadadua majalan ngalih I Sampi. Kuting I Sampi masih milu nyalahang i manusa, munyine, "tingalin ja kai, sasubane awake tuara nyidaang buin ngedeng tenggala, laut kai adepa teken saudagare. Sing buungan kai
43
