Kembang Rampe
Matur Raden Galuh, "tiang ngrereh danyuh, laut encehina baan semute."
Kacerita buin manine buin kone Raden Galuh nelokin layon biangne, masih gendingin Ida dogen. Nyanjaang mara kone Ida mantuk, neked Ida di puri, buin takenina teken ajin idane. Masih keto pasaur idane. Aturanga encehin semut. Buin manine buin kone Raden Galuh kemo mangelingin layon biangne. Sawireh sering ilang uli di puri, laut intipa teken ajin idane. Nget cingakin Ida okane nangis sambilanga magendingan. Dening keto kapaekin lantas okane, lantas takenin Ida. Masaur okane, "puniki sampun i biang, Aji!
"Beh cening, aji tusing pesan inget teken biange. Nah jani dening suba sanja, jalan cening mulih!" Dening pang pang kuda-kuda kanti ajakin okane mantuk tusing kayun, lantas Ida ngalahin budal. Buin manine mara delokina Ida kema, dapetanga Ida okane suba seda. Ditu lantas nagis Ida Mantri Koripan. Layon rabin kalih okane, Iantas kaajak mantuk tur lantas kaplebonan.
8. I Botol teken Sang Samoang
Kacerita I Botol ia luas ka tengah alase lakar ngalih saang. Kancit ia ningeh munyin Samoang magroeng. Mara ia matolihan ka samping, laut ia nepukin Samoang kena jebag. Matakon I Botol teken sang Samoang, "ih, iba Samoang, ngujang iba dini?" Masaut sang Samoang, "awake kabelog-belog macelep mai, krana dini ada bangken bojog. Kaden awake ja lakar tuara ngranaang kenken. Mara awake macelep, laut magledeg jelananne, tusing dadi baan awake pesu. Tulungin ja awake jani. Yen nyak cai nulungin awake pesu uling dini, awake masanggupan tuara mencanen sesaman ibane dadi manusa. I Botol ne mula madalem sang Samoang, tusing ia minehin lakar kadadianne mani puan. Mara ia neked di wangan, laut sang Samoang magroengan tur ngomong, kene munyine, "ih iba manusa, taenang tendas
42
