Kesusastran Bali Purwa
ibané jumahan, kénkén abet ibané ditu? Muah di jaba nongos, apang mangdené benéh baan icang mragatang prakaran ibané arep tekén ia i manusa. Sang Samoang ia di tengah, I Kancil ngénggalang lantas ngubetang jlanané tur kancinga.
Nah, jani munyiné I Kancil tekén I Botol, "kemo cai suba mulih, krana cai sing ja payu amaha tekén I Samoang. Nanging ingetang pesan, mani puan da pesan cai sépan-sépan iju-iju ngugu omongan anak ané ngranaang nyéngkala déwéké, pinehin malu!"
Ditu lantas I Botol mulih mlipetan kumahné. I Kancil masih bareng ia magedi. Jani nu I Samoang dogén ditu padidiana groéng-groéng tur maseselan, nyeselang buat kabeloganné, bakat baana melog-melog tekén I Kancil, kanti ia berag arig.
Kasuén-suén lantas ia mati, baané tuara taén ngamah apa-apa.
9. I Raré Angon
Ada anak cerik muani madan I Raréngoan. Gaginanné sadina-dina tuah ia ngangon kebo. Sambil ngangon sai-sai ia ngaé wayang-wayangan di tanahné. Ban sai-sai kéto dogén gagaéné, dueg koné ia ngaé wayang muah gegambaran, ngantin ngon pada timpal-timpalné ané ajak-ajaka ngangon.
Sedek dina anu, I Raréangon gambar anak luh di tanahné. Ban jegeg goban gambaré ento, tusing koné usapa, lantas adaniné koné gambaré ento I Lubangkuri.
Kacerita Ida Anaké Agung sedek maalon-alon matetulupan, rauh Ida di tongos I Raréangon ngangon, laut kapanggihin lantas gegambaran I Raréangon ento. Ida Anaké Agung angob ngaksi gambaran ento, dadianya. kandikain pangangoné makejang, "cerik cerike nyén ngaé gambarané?"
Aturanga lantas tekén pangangoné, I Raréangon.
Ngandika Ida tekén I Raréangon, "Raréangon cai ngaé
45
