Kesusastran Bali Purwa
luas.
Jani kacerita panakné jumag dadongné adaniné I Tuung Kuning. Nelebulanin, ngotonin dadongné koné ngencanin tur mesuang prabia. Suba koné kelih I Tuung Kuning, mara lantas bisa nyakan, ajahina tekén dadongné magarapan mabenang-benangan. Nunun lan nyakan kapah-kapah dogén gaginan I Tuung Kuning sa dina-dina.
Tan kacerita saget teka I Pudak kurenanné uli matajén, laut nakonin unduk panakné ané embas. Kurenan ngaku pianakné luh. I Pudak matakon kéné "men cuba katektek baang siapé?"
"Suba beli," kéto abet ané luh. Lantas makruyuk siapé abesik, "bek, bek, kukuruyuk arin-ariné dogén baanga, panakné kingsananga jumah dadongné," kéto munyin siapé. I Pudak tusing ngarunguang munyin siapné. Buin koné makruyuk siapné, "bek, bek, kukruyuk, arin-ariné dogén baanga, panakné kingsananga jumah dadongné."
"Né nguda kéto dogén munyin siapé?" Tegarang ja bakal pedasang madingehang, kéto kenehné I Pudak. Buin koné makruyuk siapné, "bek, nék kukruyuk, arin-ariné dogén baanga, panakné kingsananga di jumah dadongné."
Begbeg kéto pamunyin siapé. Tegarang je bakal pedasang kadi keto dogen munyin siapé. Béh belog-beloga awaké tekén I Wayan, krana prajani siapé bisa ngorahang. Kéto kenehné I Pudak. Kaukina lantas kurenanné, "Wayan Wayan, mai ja malu!" Nyagjagin lantas kurenanné, matakon lantas I Pudak, "dingeh nyai munyin siapé, i cening kingsanang nyai koné jumah méméné, to arin-ariné dogén baang nyai siape," kéto abetné I Pudak. Keleh-keleh lan mendep dogén kurenanné.
"Sing nyak masaut, mabudi nyai dadi amah-amahan siap?" Kéto abetné I Pudak. Ngangken lantas kurenanné.
"Mén nyén kaukin nyai panake?'
"I Tuung Kuning."
35
