Kembang Rampé
I Pudaké tekén kurenanné. Kurenanné tuah manggukan.
Nah buin maninné I Pudak luas matajén.
Kacerita jani kurennané ngelah panak. Laut luh koné panakné. Béh kéweh gati koné mémén anaké cerik.
Né kénkénang jani i cening, kongkona nektek lantas tekén bapané, kongkona maang siap. Yan tuutang keneh bapané, basa pianak, jaban jlema buduh mara ja jenenga ngidepang pabesen ngmatiang panak. Né kénkén baan jani madaya, kéto abet mémén anaké cerik ngrengkeng padididan. Makelo koné baan bengong, lantas koné ngricikang dayané.
Ah, ariné dogén tektek baang siap pada mabedik.
Kacerita, ari-ariné dogén lantas tekteka, to lantas baanga siapné pada mabedik. Suba koné kéto, anaké cerik ajaka lantas kumah méméné. Teked jené ditu tengkejut lantas méméné.
"Né kali kénkén nyai ngelah anak cerik? I busan mémé maan liwat di malun umah luhé. Dadi mara makeplos panak nyainé suba ajak mai?"
"Kéné mémé, ada pabesen bapanné i pidan, panakné kongkona nektek maang siap, yén luh panakné. To kranané anaké cerik ajak icang mai. Mémé ngajak anaké cerik nah Mémé? Icang takut ngajak jumah teka nyén bapanné, payu lempagina nyén tendas icangé anak ia brangsongan pesan. Nyén lamun ia teka lakar orahang suba mati dogén."
Masaut méméné, "nah lamun kéto, dini suba pejang anaké cerik, mémé ngajak. Ingetang men nelok-nelokin mai baang nyonyo!"
"Nah, Mémé," raris anaké cerik kajemak baan méméné. Suba kéto, mémén anaké cerik ngenggalang ia mulih.
Kacerita jani, selid sanja koné delokina anaké cerik tekén méméné panyonyoina dogén, suud kéto ngenggalang koné ia mulih. Kadéna buin kejepné kurenanné teka, tusing. Kadéna buin puanné kurenanné teka, masih tusing. Buin abulan masih tusing. Kacerita kanti tibanan koné kurenanné
34
