Kesusastran Bali Purwa
ring Ida Anaké Agung!" Akéto babesen I Beduda ané katekedang tekéning I Sampi, lantas ngamulihang. I Sampi raris tangkil. Ida sang Prabu Singa sedek mlinggih di balé panangkilan. Raris matur I Sampi, "inggih Ratu sang Prabu, titiang gelis nunasang ring palungguh Cokor I Déwa indik titiang kadauhang. Napi wénten wacanaang ring titiang, mangda gelis Ratu ngandikang!"
Raris ngandika ida sang Prabu, "cai Sampi, saja ké cai ngawag-ngawag dogén meju di jalan-jalan?"
Matur I Sampi, "inggih sayuwakti sakadi pangandikan palungguh Cokor I Déwa," kéto munyi I Sampi sambilanga kedék kanti ngenah giginé makejang. Dadi keliwat duka ida sang Prabu tur tanjunga bungutné I Sampi jantos aas gigin ipuné sané ba duuran makejang. Kéto katuturan I Sampiné, awanan tusing magigi ané ba duur.
6. I Tuung Kuning
Ada tuturan satua babotoh kembar madan I Pudak. Ia kasap peson koné, buin melah parané nyak matebah. Ia ngelah kurungan mulané dadua, jani sakat pepesan ménang ia matajén, ngliunang dogén kurunganné, mekelo-mekelo kanti payatusan koné ia ngelah kurungan. Nganti kéweh ngencanin kurunganné, maang ngamah magadang. Lan ngipuan. Kurenané beling gedé pesan lantasa, aji nyampatang tainné selid sanja dogén suba kéweh.
Kacerita I Pudak lakar luas ka dajan gunung, mabesen koné ia tekén kurenané, "Wayan Wayan, mani oké lakar luas joh, né nyai kéné beling gedé, oké tondén karoan makelo okané luas, satondén okéné teka nyai suba ngelah panak, lamun muani anaké cerik, melahang mén miara, lamun luh matiang dogén tendasné, tektek baang men lantas kurunganné mekejang pada mabedik. Oké tusing ieng gati ngelah panak luh, anu déwék tuyuh ngedenang dogén magadangin peteng lemah, suba dogén kelih pisagané manjakang," kéto pabesen
33
