Kembang Rampé
makejang timpal-timpalé kadauhin ka puri? I Kunang-kunang nomong saha ngimbangin I Beduda, "ajaka matemu rasa." Lantas I Kunang-kunang mulihné.
I Beduda marérén magaé nglantas tangkil ka purian. Sedeng melaha ida sang Prabu sedek mlinggih di balé panangkilan. Matur I Beduda nunasang indik ibanné kadauhin. Ngandika ida sang Prabu, "awinan nira nauhing cai, baan cai kone kereng ngae blungbang di jalan-jalan, né saking panguning I Kunang-kunang. Yéning saja keto, ento gedé pesan pelihan cainé, wenang cai kasalahang sapatutné."
Matur I Beduda "inggih Ratu sang Prabu, sayuwakti sakadi pangandikan palungguh Cokor I Dewa. Awinan titiang purun asapunika, santukan ipun I Sampi tan wénten ngitungang napi-napi, jeg ipun meju di margi-margiane. Yan tan titiang ngaryanang blungbang anggén nanem tain ipun, sinah kotor margané sami. Inggih punika pikayun titiangé, wénten kasalitan titiange?" Kéto atur I Bedudané, tuah kapatutang pisan olih ida sang Prabu, raris ida ngandika, "nah cai Beduda, kema suba cai mulih, orahin I Sampi tunden mai tangkil ka puri ané jani!" Sawireh keto pangandikan Anake Agung, lantas I Bebuda mapamit enggal-enggal tur majalan ngamulihang.
Kacerita di jalan tepukina I Sampi, matakon I Sampi "ngudiang mIali-lali?"
Ngomong I Bebuda, "bah né ko I Sampi sedeng melaha tepukin icang dini."
Kasautin ulih I Sampi, "ngudiang Bebuda?"
"Né cai kapangindikang tangkil jani ka purian, ring Anaké Agung!" Keto pamunyin I Beduda. I Sampi madingehang ento, laut ia matakon, "ban apa ké mirib Beduda dadi icang kadauhang?"
Masaut I Beduda, "buat ento, eda pesan cai nyebetang, wiréh icang tusing pesan nawang, melahan ditu tunasang
32
