Kembang Rampe
"Kema alih I Tuung Kuning tunden mulih jani!"
Keto abetne I Pudak, Nyrutcut lantas kurenanne majalan, sambilanga ngeling. Teked jumah memene, dapetanga panakne sedek nunun. Ngomong lantas memene, "cening cening Tuung Kuning tundena mulih teken bapane!"
Masaut I Tuung Kuning "endenan malu Meme buin akejep, tiang nu mragatang tunun buin akebas," keto abetne I Tuung Kuning. Mulih lantas kone memene.
Kacerita suba teked jumah, dapetanga kone kurenanne sedeng nyangih blakas. Kurenanne lantas ngorahang "beli Wayan, enden kone malu buin akesep, nak ia nu mragatang tunun buin akebas."
Masaut lantas ane muani bin sada nelik paningalanne, "kema buin alih, tunden enggalang mulih!"
Majalan kone lantas ane luh kumah memene. Teked ditu, dapetange lantas panakne nu masih nuun.
"Cening cening Tuung Kuning, tundena mulih nyai teken bapane enggal-enggal!.
"Enden malu buin akesep meme, tiang nu ngembus tali tampar," keto pesaut I Tuung Kuning. Mulih lantas memene. Teked jumahne dapetanga kurenanne nu dogen nyangih belakas.
"Suba katunden mulih panak nyaine Wayan?" Keto abet ane muani.
Masaut lantas ane luh "enden kone malu, anak ia nu ngembus tali tampar."
"Ne kengken sih jlemane totonan, kema buin alih tunden enggal-enggal mulih!" Keto abetne I Pudak, nyrutcut lantas kurenanne buin ngalih panakne. Suba kone teked ditu, tundena kone pianakne rnulih enggal-enggal.
"Enden malu Meme, tiang nu ngodot tenun," keto kone pasautne I Tuung Kuning, lantas memene morahan teken kurenanne.
Beli Wayan, "beli Wayan, enden kone malu anak ia enu
36
