Kembang Rampe
Menek lantas pianakne adeng-adengan, nu kone lantas abesik I Kolagan beten sing dadi baana menek.
"Cening Kolagan, beten cening pules padidian, alihanga ja batu anggon dingding", keto kone abet memene.
"Nah".
Ngalih lantas I Siap Badeng batu, makejang anggona dinding I Kolagan pules. Suba madingding I Kolagan mara kone memene menek.
Jani kacerita suba tengah lemeng. Ujanesuba ending tur yeh tukade suba engkes, lantas I Siap Badeng nundun pianakne, "Cening, cening, ne suba ending tur yeh tukade suba engkes jenenge, lan jani mulih nyen enggalan pesu nyen Men Kuwuk. Slegenti makeber.
"Nah", keto kone pianakne. Jani memene tuun kone ngalih I Kolagan.
"Cening Kolagan, meme ajak nyaman ceninge makejang anak mulih maluan, cening dini men padidian, nyanan lamun bakatanga teken Men Kuwuk, kene abete ngomong: "bakal kenkenang icang, bakal tampah? Yen jani meme nampah icang ben icange anak nu belig, ubuhin icang malu, buin pidan lamun suba gede mara icing tampah mara jaen ben icange".
"Nah keto ja keto", keto abetne I Kolagan ngidepang pangajah memene.
Kacerita jani makeber lantas panakne I Siap Badeng abesik. Ber kresuak. Makaukan lantas Men Kuwuk.
"Siap Badeng, apa ulung di paon, aeng kresuakanne?"
"Don teepe ane kuning-kuning". Buin kesepne makeber panak I Siap Badeng buin abesik. Ber suak.
"Siap Badeng, Siap Badeng, apa ulung di paon makresuak dingeh oke?"
"Dondapdape ane kuning-kuning", keto kone sakabesik makaber panak I Siap Badenge kresuak-kresuak, sabilang makresuak takonina kone I Siap Badeng teken Men Kuwuk,
20
