Kesusastran Bali Purwa
orahanga don nyambu ane kuning-kuning, don timbul, kanti telah pianakne ane ba duur makeber, ento memene tanggu durina kone makeber. Ber kresuak, paling gedene critane kresuakanne.
"Apa ne ulung aeng geden kresuakanne, Siap Badeng?" keto abetne Men Kuwuk Sepi kone sing ada nyautin. Ngomong lantas Men Kuwuk teken pianakne makisi-kisi, "Cening-cening, ne suba pules jenenga I Siap Badeng. Meme pesu jani, bakal saup tendasne pianakne". Pesu lantas Men Kuwuk sada matenggeng majalan apang sing makrisikan. Suba ia neked di paon, ento batu batune dingding I Kolagane kadena I Siap Badeng, lantas sahasa ia nyagrep, laut pelih bana, maserod kone batisne laut batune bakat tegora rongoh lantas giginne, bungutne macuap-cuap pesu getih. Ditu lantas ia ngarod-arod ngeling.
"Aduh, aduh" . Nyagjag kone lantas panakne.
"Meme,meme,kenapa Meme dadi duuh-duuh ngeling?
Bih I Meme blangsah", keto kone abetne ane Nengahan.
"Ma enggalang pakpakang kapkap anggon nampel cunguhne."
"Aduh aduh, Meme sing blangsah, meme labuh dini maserod batis memene, daut batune ne bakat tegor meme." Suba kone keto bakatanga lantas I Kolagan ditu kesul-kesul.
"Nah ne apa bakat pianakne abesik, kija lakar iba laku malaib?" Mani gantin payu ngamah be siap. Ditu lantas ngomong I Kolagan, "Meme lakar kenkenang icang lakar tampah? Yen jani Meme lakar nampah icang, ben icange anak nu belig, ubuhin icang malu, buin pidan lamun suba gede mara tampah. Mara jaen ben icange".
"O, keto?" Keto abetne Men Kuwuk. Masaut lantas panakne.
"Saja Meme, anak ia nu kolagan, sing ya belig saja benne. Ubuhin malu apang gedenan!"
"Nah keto ja keto". Penpena kone lantas I Kolagan di
21
