Kembang Rampe
33. Kulik-kulik di batan umah,
patin madik maprada.
Nu cerik ngalih somah,
lakar tidik tuara ada.
34. Menyan sampan menyan madu,
ngalih ental saselikan.
Kaden gampang ngalih madu,
doyan cengkal ne cerikan.
35. Nasi anget mawadah piring,
nyanding basa mawadah ingka.
Bilang inget rnakita ngeling,
rasanin ia nyagjag teka.
36. Siap sangkur uling lawas,
lampin bodag kaminyakin.
Tiang lacur uli lawas,
nyen kodag mangenyakin.
37. Siap galak di pasisi,
bungkung tujuh pependokan.
Liat galak minab misi,
mara jugjug manampokang.
38. Siap sangkur malali di sema,
teked di pondok katalinin.
Tiang lacur malali kema,
mara nengok kapalaibin.
39. Belahan pane belahan paso,
celebingkah beten biu.
Ada kene ada keto,
gumi linggah ajak liu.
10
