Kesusastran Bali Purwa
40. Nguda kene pait kopine,
beliang gula aji patpat.
Nguda kene sakit atine,
alihang guna apang kanti bakat.
41. Bawang-bawang kesuna batur,
kulit taluh encak-encakin.
Suba tawang taruna lacur,
ane luh ngajak-ajakin.
42. Kelepet-kelepet elung-elung,
karana renyah carang basene.
Kedek-kedek kenyung-kenyung,
kadena meelah basang awake.
43. Pici-pici mawadah don,
bangkung jubeng len badane.
Kaki-kaki tiang matakon,
ne makalung nyen adane.
44. Bangkung payah beten duren,
kempul barong di Mengwi,
Tuyuh ngayah makatang len.
bubul baong ningeh munyi.
45. Kupu-kupu barong lalima,
bangbang dadua engken kaceburin.
Tiang cumpu melali kema,
bajang dadua ane cen anggurin,
46. Guling kidang guling celepuk,
nasi anget mabe guling.
Uling pidan tuara tepuk,
bilang inget makita ngeling.
11
