Kaca puniki kavalidasi
Kesusastran Bali Purwa
22. Tain belek tain blenget,
suba jele mara inget.
23. Cekcek poleng temisi bengil,
desek ngereng gisi nengil.
24. Nasi penyeneng tulung sayut,
tendas pengeng ulung ngelayut.
25. Ngulat bedeg bukunne liu,
anak jegeg kutunne liu.
26. Salak nangka batun lempuni,
galak mata takut mamunyi.
27. Balang minyak duur somine,
tiang nyak suud manyine.
28. Tiing ampel bukunne liu,
jejeg ngontel kutunne liu.
29. Kompek uek wadah mako,
nyonyo lepek masih kanggo.
30. Siap sangkur godeg drupa,
tiang lacur sing ngelah apa.
31. Mandor jalan tukang kawat,
magae kendor ngamah kuat.
32. Bedeg matrampa,
batun badung wadahin kisa.
Kudu jegeg tuara nawang apa,
nyambung ladung tuara bisa.
9
