Kembang Rampé
parekanné, ada ngecuhin ada nyarikin bé jukutné koné. Dadi cicing nu kéné-kéné kandikaang nyagiang. Cicing i mata malontod, i bungut béngor. Apang carikan awaké amaha!" Keto koné abet parek-parekané ané nyagiang I Lengar. Suba jené pragat saginé, kaukina lantas I Lengar,
"Mai Ngar, ada paica!"
Kacerita nunas lantas I Lengar. Tusing di madaarné dogén jailina tekén parek-parekané.
"Ngar, pagolohin té sabuké, apang lebihan madaar, awak tumbén népukin daaran jaen-jaen!"
Ngomong koné ané léenan, "ngar, palebihin madaar, nyanan apang betekan i rangsasa. Mara betek basangné, kuangan buung gén ngalih Anak Agung Ayu, jabin jeet matanné carang udang." Magenep jejailan parekanné, I Lengar endepanga dogén koné ibanné, itepanga ibané madaar. Nah suba I Lengar suud madaar, nikaina lantas ia tekén Anaké Agung, "Lengar, nah kema suba cai majalan, né kadutan pilihin!" Kéto pangandikan ida Anaké Agung. Tunas koné kadutan idané abesik, lantas I Lengar matur, "inggih titiang nawegang matur ring cokor I Déwa. Titiang durung uning ring dija genah rangsasané punika?"
"Nah tukadé ba dauh tuut beneng kajanang dogén. Lamun nepukin cai goa linggah di bongkol abingé, to suba umah i rangsasa!" Kéto pangandikan idané. Lantas I Lengar ngaturang sembah mapamit.
Tan kacerita pajalanné I Lengar nuluh tukad, suba joh gati kaja, tingalina lantas goan i rangsasané." I Lengar lantas ia makancut ginting. Dadi nyang abedik koné ia tusing ngelah takut, suba paek I Lengar tekén goané, adeka lantas tekén rangsasa. Ngelur lantas i rangsasa, "manusa boné. Nyén bani buin clapat-clapat. Bakal cérét getihné matah-matah!" Kéto abetné i rangsasa tur lantas ia pesu. Mara nota I Lengar, dadi manuh koné i rangsasa, teka tuara ada nyetné ngéngkénang I Lengar. Dadi tumbén i rangsasa ngelah
