Kesusastran Bali Purwa
ngamatiang. I tunian suba tuturin, mlingbing-mlingbing bikulan panjak idané dini tusing bani," kato abet parekanné. Masaut lantas I Lengar, "nggih té mrika aturang tiang!"
"Nah yan sing dadi orin." Ngapuriang lantas parekan ento ngaturang I Lengar tekén Anaké Agung. Ida Anaké Agung, ida sedek katangkil baan patih punggawa muah prebekel idané makejang, ané raosan tuara lénan masih putran idané ical. Teka lantas parekanné, uli joh suba ess pajalanné.
"Titiang mamitang lugra Ratu Déwa Agung."
"Apa ada aturang iba tekén gelahé?"
"Titiang matur sisip ring cokor I Déwa. Puniki wenten jadma ring jaba, jadma lara Ratu Déwa Agung Matan ipuné malontod, samalih béngor, bungut ipuné béngor, séngkok. Punika jaga sanggup pacang mamademang meseh cokor I Déwa, i rangsasa."
"Nah tegarang tundén mai! Singnya kagét apa ento nyidaang ngamatiang i rangsasa," kéto pangandikan ida Anaké Agung, parekanné laut ka jaba ngaukin I Lengar.
Mara ngapuriang I Lengar makejang anaké tangkil ngedekin tur nyailin, "jlemané ané nagih ngamatiang i rangsasa. Tusing ngasénang iba malu makaukud".
Masaut ané lénan, "sajaan teka jlemané né nyidaang ngamatiang i rangsasa, bin pidan kéné lakar anggon agung?"
Tan kacerita jajailan anaké suba ngéndah-éndah, kacerita I Lengar nikaina tekén Anaké Agung.
"Nyén ada cainé?"
"Titiang I Lengar Ratu Déwa Agung."
"Saja cai masanggup lakar ngalih panak gelahé, tur ngamatiang i rangsasa?"
"Inggih sayuwakti."
"Nah lamun kéto, parekan kemu sagiang malu né, I Lengar!" Sagianga koné lantas I Lengar tekén parek-
