Kembang Rampé
okan idané kema, to lantas ida ngruntuhang wacana, "nah nyén ja nyidaang nekaang panak gelahé tur ngamatiang rangsasané ento, ento lakar duduka anggon matu tur lakar ajak bareng nyéngcéngang guminé dini," kéto saud
pangandikan idané.
Kema jani cai, matiang rangsasané ento, embok marengin cai. Gaénang embok bui. Ditu di buiné embok lakar macelep apang tusing ada anak nawang. Nah yan suba cai prasida karya, nyidaang cai ngamatiang i rangsasa tur
ngaturang okan Anaké Agung, kala ento malan cainé lakar ilang," kéto abetné dedari Supraba. I Lengar prajani ia nglaih buluh anggona bui. Suba jani pragat buiné, macelep lantas dedari Supraba ka buina.
"Nah kadut embok, majalan suba cai jani!" Kéto abetné dedari Supraba, uli tengah buina. Kaduta lantas buiné ento, lantas ia majalan ka negara.
Tan kacerita di jalan, teked koné suba I Lengar di bancingah. Mungmung pesan koné bancingahé, tusing ada jlema majlawatan. Makelo koné baana I Lengar ngepah ditu, mara ada parekan ja jaba. To lantas takonina tekén I Lengar, "jero, jero sapunapi dados sepi pisan driki?"
Masaut parekané ento, "kéné ida Anaké Agung sungsut, nangis dogén ida lanang istri peteng lemah."
"Dados sapunika, sapunapi sé?"
"Apa, putran idané istri palaibang rangsasa. Asing kema ngalih tusing mlipetan. Mati suba tadaha tekén i rangsasa. Jani suba tusing ada anak bani kema majlawatan,” kéto tutur parajanané.
I Lengar lantas ngomong, "lamun kénkén kuda tiang aturang lakar ngamatiang i rangsasa",
"Béh da cai pangkah, awak lara kéné buin cenik, pangkah nagih clapat-clapat kema. Da buin matangah cai lakar bani. Mara munyi dogén dingeh cai suba cai ngetor. Méh tusing nawang rangsasa jenenga cai. Sada wanén nagih
