Kesusastran Bali Purwa
mulih ka suargan, jalan suba dini nongos bareng embok. Kénkén ja cara manyama, kéto, kéto abeté ajak dadua!" Kéto pangidihan dedari Supraba. I Lengar lantas nimbal, "nah kéto ja kéto."
Dadiné ditu lantas nongos dedariné ajak I Lengar. I Lengar jemet gati koné ia magaé mabian-abian, mamula koné kaséla, kladi, seug. Dedari Supraba anak ngaba manik sakecap koné ngaji koné dané padi ada padi, bé dotanga ada bé. Nah apa ja koné dotanga, jeg ada. Suba makelo-kelo I Lengar ajak dedari Supraba ditu, suba jani I Lengar truna, to koné dedari Supraba lantas lemesina tekén I Lengar nagih anggona kurenan.
"Embok-embok kéné ja suba, jalan ja suba makurenan ajak dadua, kéné tusing ada anak luh lénan tolih dini," kéto abetné I Lengar. Tusing koné kayun dedari Supraba. "Lengar, da cai kéto, cai nak tusing dadi makurenan ajak embok, cai manusa, embok dedari!" Kéto abet dedariné, masih lemesina dogén koné tekén I Lengar. Bes pepesé kétopedih dedari Supraba.
"Pah Lengar, né sajaan I Lengar langgia pesan. Beduda nagih ngungkulin tendas, nah dening bes congah I Lengar tekén embok, wastu bungut I Lengaré apang bengor, matanné apang melontod, limané apang sengkok!" Kéto pastun dedari Suprabané, prajanian lantas I Lengar sekadi pastuné kéto. Ngeling koné lantas I Lengar ngidih pelih tekén dedari Supraba.
"Nah jani lingang ibané, kénkénang embok jani cai. Kadung suba labuh munyin emboké. Nah taanang malu akejep. Yan jani tusing nyidaang ngilangang malan cainé, lamun makeneh makurenan, embok matujuhin cai anak luh, cai tondén ningeh orta, to panembahan cainé di negara ida Anaké Agung kasungsutan. Okan idané sane istri palaibang rangsasa. Asing anak ngalih kema tadaha dogén tekén rangsasané ento. Wiréh tusing ada bani panjak idané ngalihk
