Kesusastran Bali Purwa
keneh madalem. Suba paakina gati tekén I Lengar masih tra ngéngkén-ngéngkénang. Sedekan ngelén-elén i rangsasa lantas tebeka lambungné tekén I Lengar. Bah lantas i rangsasa aéng geluranné. Suba bah, tebeka buin lantas kakolonganné. I rangsas laut mati. Suba mati i rangsasa, aliha lantas Anak Agung Ayu ka tengah goané tekén I Lengar. Dapetanga Anak Agung Ayu sedekan nangis.
Matur lantas I Lengar, "Ratu Anak Agung Ayu, ngiring mangkin mantuk Ratu Anak Agung, i rangsasa ipun sampun padem!"
"Nyén ngamatiang i rangsasa?" Pangandikan Anak Agung Ayu."
"Titiang." Mara pesu Anak Agung Ayu, lantas bangkén i rangsasané kacingak nyéngku. Ngandika lantas ida, "né nyén cai olas nulungin nira."
"Titiang I Lengar." Ida Anak Agung wantah ngutus titiang ngrereh cokor I Ratu. Ngiring sampun mangkin mantuk!
"Jalan Lengar." Mamargi lantas Ida Anak Agung Ayu kairing baan I Lengar.
Tan kacerita di jalan, ida rauh di bancingah. Wénten parekan adiri sedekan nganggur di bancingah, to lantas mlaib ka purian ngaturang tekén Anaké Agung. Anaké Agung lanang istri ka jaba mendakin okané. Pasrenab panjak idané kerik tingkih bareng ka jaba mendakin Anak Agung Ayu. Ngrengkeng koné Gusti Patih di aepan I Lengaré, "né kéné jail Widiné dadi jlema kekéné nyidaang ngrauhang ida Anak Agung Ayu. Gustin i déwék jani ngelah gusti
mabungut bengor?" Kéto pangandikan Gusti Patih. Buin Gusti Punggawa ngandika, "dong dayanin, anak kéné jani lakar anggon gusti, lacur lakar parek-parekané tusing pati maan makelid, bes kéné mlontod matanné?" Ada buin lénan ngandika kéné, "né sengkok maan nyangket baong, kéweh ngelésang." Déning kéto pangandikan Patih Punggawané,
