Kesusastran Bali Purwa
masih mabnang-banangan, nangingké pakaryan idané tuara ada meleek, joh tandingané tekén pakaryan Radén Galuh Dahané. Sedek dina anu panyeroan Radén Galuh Singasari meli koné sabuk cecirupan di peken. Sasubané ia suud mablanja, lantas ia kapuri, cingakina lantas ia ngaba sabuk tekén Radén Mantri, lantas ida mataken, "mémé panyeroan, dija maan sabuk cecirupan?"
"Antuk titiang numbas Ratu Radén Mantri".
"Indayang balihin! Aéng ja luungné nyén ngelah pagaéné?" Aturina lantas ida Radén Mantri.
"Manut pajar sané ngadolin titiang, kocap pakaryan pianak panunggun taman cokor I Déwa, Mén Bekng".
"Yé, Mén Bekung ngelah panak ia?"
"Madué Ratu Radén Mantri."
Ngandika ida Radén Mantri tekén rain idané, "adi, adi Galuh, mai ja! Tingalin sabuk pagaén pianak Mén Bekungé! Luungan tekén pagaén adiné". Nyagjag lantas Radén Galuh tur lantas nyingakin sabuké.
"Beli Mantri pagaén yangé anak tondén mabecikan nika tegarang ja nika sampun mabecikan, ten kaonanga napi ring niki," kéto atur arin idané, meneng koné ida Radén Mantri.
Kacerita sampun wénten dauh telu, ida Radén Mantri lantas lunga ka taman makayun uning tekén pianak Mén Bekungé. Di subané rauh di taman, ngulkul koné pireng ida munyin prorogané sig umah Mén Bekungé? Dadi Mén Bekung kagét suba ngelah pianak bajang, dija sa bakatanga pianak? Angob pesan ja baana gelah ngenot kajegégan anaké nunun ento. Yén ambulné ja jegeg kurenan gelahé, kénkén ja demené?" Kéto koné pakayun idané lantas ida ngranjing. Sarauh idané ditu, pasrorot koné luh-luhé tuun sabetek né ngiter Ni Wayan Waluh nunun di ampik Mén Bekungé. Ni Wayan Waluh tuun uli patuunan tur lantas mulihan. Mén Bekung muah luh-luhé tamiun Ni Wayan Waluhé, ajaka makejang mamitang lugra nyapa ida Radén Mantri. Ida
115
