Kembang Rampé
waluh?” Meneng koné ida Radén Galuh, déning ida tondén uning ngraos, pang kuda kadén Mén Bekung matakon, masih ida Radén Galuh tusing masaur-saur, begbeg klingas-klingus dogén ida.
Déning kéto padalema ida tekén Mén Bekung. Ida Radén Galuh lantas ajaka ka pondokné di taman. Neked di pondokné, ida Radén Galuh lantas siramanga, suud siramanga laut odakina. Suud kéto ida uning ngandika.
Matakon Mén Bekung, “jero anak istri, indayang nikaang ring titiang, sira jeroné?”
Masaur Radén Galuh, “nah Mémé, da Mémé nguyut-uyutang nah Mémé! Nira putraning Daha, sangkal nira nongos betén lapaan waluhé i tuni, nira ibi sanja entunganga uli purian tekén panyeroan I Galuh Singasariné.” Nglantas koné ida nuturang, saindik-indik idané makejang uli sekat malinga tekén Radén Galuh Singasari, Mén Bekung sengeh-sengeh dogén, kapiolasan madingehang pangandikan ida Radén Galuh Daha.
Matur Mén Bekung, “inggih Ratu Déwa Ayu, sané mangkin sapunapi kayun cokor I Déwa, jaga mantuk?”
“Inggih Ratu Ayu, yéning asapunika, iriki sampun cokor I Déwa nganggén titiang panjak belog”.
“Nah buat totonan da suba dawananga, nanging kema Mémé, yan di aepan anak da Mémé mratu tekén nira, akuin nira pianak kaukin Ni Wayan Waluh, apang nira tusing uningina tekén i beli Mantri makadi tekén I Galuh Singasari!”
“Inggih Ratu Déwa Ayu”.
Sasukat Mén Bekung ngajak Radén Galuh Daha, teka énggal koné ia matingtingan, asing angkuhanga gegaénné tuara ada tra mapikolih. Ida Radén Galuh karyan idané mabnang-bnangan; nyongkét, ngendek, muah ané lén-lénan, tur pakaryan idané melah-melah.
Kacerita jani Radén Galuh Singasari, karyan idané
114
