Kesusastran Bali Purwa
Sang nyatua: "Adak kone tutur-tuturan satua, I Tiwas teken I Sugih. Maan dong keto!
Sang Miarsa: "Maan."
Ucap-ucapane punika tetujonipun wantah mangda sumeken ida dane sang miarsa, mirengang satuane sane kaucapang, antuk dane sang nyatua.
b. Lumrahipun ring pangawit satuane punika, setata wenten wewangunan lengkara sane kaucapang, upami :
" Ade kone tutur-tuturan satua......", utawi
" Ade kone orah-orahan satua ......."
Lengkarane sane sakadi ring ajeng punika wenten kalih soroh kecapipun sane patut baosang, inggih punika kecap 'kone' miwah kecap 'tutur-tuturan' utawi 'orah- orahan'. Kecap 'kone' punika sering pisan kaucap antuk sang nyatua. Indike punika manyihnayang, satuane sane kasatuang punika, boya ja kakawian sang nyatua, boya. Tegesipun satuane sane kasatuang punika kakeniang saking anak seosan, dadosne marupa satua turun temurun.
Kecap 'tutur-tuturan' yadin 'orah-orahan' punika madasar antuk kruna lingga 'tutur' yadin 'orah'. Saking kecape punika nyinahang satua-satuane punika saking tutur sane katuturang, saha kawastanin tutur utawi satua gantian.
c. Cirin-cirinipun sane seosan inggih punika kawentenang kecap 'lantas' yadin 'laut' sane sering kapireng ring satua-satuane. Ring Bali kecap-kecape sane sering kakecapang punika makecirin kahanan satuane saking turun-temurun.
3
