Kembang Rampe
wewilangan lengkara ring dong-ding. Wewangsalan punika lumrahipun wenten sane nganggen kalih carik wiwah wenten sane nganggen petang carik. Saha sanangken carik nganggen dong-ding. Salanturipun sanangken lengkara taler wenten paiketan lumrahipun wenten petang kecap, upami:
Delem Sangut mredah Tualen,
Medem bangun ngamah dogen.
Belahan pane beiahan paso,
Celebingkah beten biu,
Ada kene ade keto,
Gumi linggah ajak liu.
Sane ngeranjing ring paos satua, inggih punika kasusastrane sane mapawangun pacaliring utawi gegancaran, ketahipun katuturan, sane mangkin kantun taler kamanggehang ring jagate.
Nanging yadiastun asapunika manawi saking dumun sampun wenten utsaha nyatet miwah nyurat satua-satuane punika kadadosang buku. Lumrahipun satua-satuane punika kasatuang marep ring alit-alite gumana kanggen ngupkupang rarene mangda sirep. Manut pangegane ring Bali, satua-satuane punika kalintang tenget, yan prade kasatuang ri kala raina. Yan wenten sane mamurug, masatua ri kala raina, kocap nasin dedarine pacang pasil. Duaning satuane punika marupa tutur sane katuturang malih, punika mawanan satuane punika nganggen tangkep (gaya) sane mabina-binaan manut kawicaksanan sang nyatua, saha mabinaan pisan ring wewangunan sastrane sane masurat. Cirin-cirin tangkep punika sakadi ring sor puniki:
a. Ucap-ucapan sang nyatua, ngwangsitin sang miarsa. Upami:
2
