Kesusastran Bali Purwa
Mémé buin acepok!"
Méménné lantas masaut, “nah yén suba cening, mémé dong sing bani tulak”. Buin maninné semengan buin ia ngangkil ka puri, makejang parekanné ngrenggeng, “yéh pindo suba matiang tendasné masih ia idup.” Mara I Dukuh teked di puri, lantas ida sang Prabu ngandika, “ih nyai Dukuh, buin nyai teka, mén kénkén pitungan pianak nyainé?”
I Dukuh lantas matur, “inggih Ratu sang Prabu, titiang nawegang matur sisip ring Palungguh cokor I Déwa, mangkin sané pinih sané alita pinih titiang.” Ida sang Prabu lantas ngandikain okané paling alita. Sasubané rauh raris sang Prabu ngandika, “cening Galuh, cening idiha tekén I Dukuh, kénkén nyak tekén pianakné?”
Radén Galuh lantas matur, “inggih Ratu Aji, titiang nénten ja purun tulak, yan sampun saking pangandikan Ratu Aji. Ya ta ipun panak jlma, yadiastun sekala buron, yén sampun pangandikan Ratu Aji, titiang nénten purun tulak.” Mara kéto atur Radén Galuhé, ngandika. I Dukuh suba nawang yén ida sang Prabu duka, lantas ia nguntul, tusing bani mliat. Sasubané empahan sungsut kayun ida sang Prabu, raris ngandika, “to kéto koné Dukuh, Galuh nyak tekén pianak nyainé, kéwala pang gelah seken ngwidi tekén panak nyainé, yén ia nyidaang ja ngaénag gelah bantal amun ketunganné, baang gelah pianak gelahé, orahang kéto tekén pianak nyainé!”
I Dukuh lantas matur, “inggih titiang sairing.” I Dukuh lantas mapamit, sarwi nyumbah. Mara ia néked jumah, lantas ia morahan tekén pianakné, “cening, jani misi amun keneh ceningé, nanging ida sang Prabu ngwidi tekéning cening, apang cening ngaturang ida bantal amun ketunganné!”
I Brakah lantas masaut, “nah sida. Buin mani tiang lakar ngaturang”.
Kacerita buin mani semengan, lantas I Brakah ka sanggah, ditu ia ngenyitin pangansepan, lantas ia ngomong,
109
