Kembang Rampée
“wastu manik sakecap, apang ada bantal amun ketunganné adasa tur apang bisa majalan padidian!” Jeg prajani ada. Lantas ia ngomong tekén méménné. “né apa bantalé lakar aturang titiang.” Méménné kendel pesan kenehné baané suba nyidaang.
I Brakah buin ngomong, “ih iba bantal, kema aturang iban-ibané tekén ida sang Prabu!” Bantalé makadadua lantas padrutdut ka puri. Ida sang Prabu nyingakin bantalé teka majalan ibana-ibana. Ida lantas nauhin panjaké makejang. Lakar kaicen bantal. Makejang panjaké ngon ningalin bantalé gedé-gedé pesan, raris ida mangandika buin tekén I Dukuh, “ih nyai Dukuh, nira buin ngwidi, apang nyidaang panak nyainé nganturang balé mas. Yén ia suba nyidaang, nira lega maang ia pianak nirané’. I Dukuh lantas morahan tekén pianakné.
Kacerita buin mainné semengan buin ia ngenyit dupa, lantas ia ngomong,“ wastu manik sakecap apang ada balé mas di bacingah!” Nget prajani ada. Mara ida sang Prabu medal, nget cingakina ada balé mas mabungkulan. Ida sang Prabu lédang pisan pakayunanné, lantas ida ngesengin I Dukuh, kandikaang ka puri ngajak panakné. I Brakah lantas kaajak ka puri. Makejang anaké pada ngon, tekén kapradnyanan aluné ento. Mara ia teked di bancingah, lantas ida sang Prabu ngandika tekén okané, “cening Galuh, wiréh Aji masemaya sareng I Dukuh lakar nganténang panakné sareng cening, kénkén cening?” Ida Radén matur, “sairing.” Ida sang Prabu lantas madedauhan, apang panjaké ngayah ka puri.
Jani ceritayang Radén Galuh ajaka I Alu sai-sai ida bareng sirep.
Sedek dina anu I Alu nyuti rupa dadi anak bagus pesan. Kulesné kaengkebang ngejang. Unduké ento kauningin tekén Radén Galuh, lantas kulesné malinga. Ngawit ento I Brakah tusing buin nyidaang dadi alu. Jani dadi manusa tulén, tur gobané kaliwat bagus. Ida Radén Galuh seneng pesan
110
