Kembang Rampé
parekan, kema cakcak tendasné I Dukuh pang kanti benyah!” Parekanné ngénggalang ngantosan I Dukuh di jaba kuta. Sasubané I Dukuh liwat uli negara lantas i Dukuh karejek. Tur bangkéné kacahcah, kasabat-sabatang.
Jani kacerita I Brakah jumahné, makelo ia ngantosang méménné, masih tusing teka, lantas ia ka negara ngalih méménné, Nget tepukina méménné mapukang-pukang. Lantas buin tambun-tambunanga, tur uripa. Méménné buin idup buka jati mula.
Méménné lantas ngomong, “cening, to kénéanga suba mémé tekén kaulan ida sang Prabu.”
I Brakah lantas masaut, “do Mémé jejeh, buin mani buin kema!” I Dukuh masaut, “yan mémé buin kema, pedas mémé buin matianga”.
I Brakah buin masaut, “yén Mémé buin mati tiang buin ngurip.”
Kacerita buin maniné semengan, buin I Dukuh nangkil ka puri.
Ida sang Prabu ngandika, “yéh , buin teka I Dukuh, men kénkén pianak nyainé?”
I Dukuh matur tekén ida sang Prabu, “inggih Ratu sang Prabu, titiang nawegang matur sisip ring palungguh cokor I Déwa, titiang mangkin kanikain ipun nunas okan I Ratu sané alitan!” Ida sang Prabu raris ngandikain okané sané Madenan. Sasubané rauh, sang Prabu lantas ngandika “cening nanak Galuh, I Dukuh mamadik cening, kénkén cening nyak tekén panakné?”
Radén Galuh lantas ngandika, “inggih Ratu Aji, titiang matur mapamit sapisan”.
Ida sang Prabu ngandika, “to, kéto koné Dukuh, kema mulih orahang tekén pianak nyainé!” I Dukuh lantas mapamit sarwi nyumbah. Di tengah jalan, buin I Dukuh karejek nganti mati. Makelo-kelo teka buin I Brakah ngurip méménné.
I Brakah lantas ngomong, “Mémé buin mani kema buin
108
