Kesusastran Bali Purwa
kéto, lantas méménné ngeling sambilanga ngomong kéné, “nah, yén cening sarat pesan nundén mémé mamadik ka puri, mémé tusing ja bani miwalin keneh ceningé. Naningké gelahang bareng. Cening suba nawang, mémé anak tani. Jani mémé tusing sebet, yén suba nindihin cening.
I Dukuh lantas matur sarwi nyumbah, “inggih Ratu sang Parabu, sayukti titiang maderbé pianak alu”.
Ida sang Prabu biin ngandika, “men, apa ada tunas nyai ka purii?”
I Dukuh buin matur, “inggih Ratu sang Prabu, nawegang pisan titiang matur sisip ring palungguh cokor I Déwa, indik sapangrauh titiangé mangkin mriki, titiang ka kongkon olih pianak titiangé nglungsur putran cokor I Déwa, asiki!”
Ida sang Prabu lantas ngandika, ” dong kéto gatian nyai né mai? Nyai ngidih panak icangé, lakar pakurenan nyai ajak alu, kéto?”
I Dukuh lantas matur, sarwi nyumbah, “inggih patut Ratu Déwa Agung.” Ida sang Prabu duka pesan, nangingké nyalit kayun ngamatiang anak nunas. Ida sang Prabu meneng tan pangandika. Sasubané empahan dukan ida sang Prabu, lantas ia ngandika, “nah krana nyai nunas panak icangé, jani icang matakon tekén ia. Kénkén ja ia buin kejep?” Ida sang Prabu lantas ngandikain okané pinih duura. Sasubané rauh, lantas ida ngandika, “cening Galuh, né I Dukuh teka lakar nunas cening, mén cening kénkén, nyak lakar makurenan tekén panakné?” Ida Radén Galuh duka pesan kayunné lantas ida ngandika, “inggih Ratu Aji, titiang nawegang matur sisip ring Ratu Aji, sané mangkin titiang matur mapamit sapisan”
Ngandika ida sang Prabu, “to kéto koné dukuh, nanak Galuh sing nyak. Kema orahang tekén pianak nyainé!” I Dukuh lantas mapamit sarwi nyumbah.
Kacerita Radén Galuh érang pakayunanné tekén I Dukuh, lantas ida ngandika tekén parekanné, “ih cai
107
