Kembang Rampe
oka. Di subané madue oka mrupa payuk, lantas kakutang, wiréh kabaos ngletehin gumi, tur kaduduk baan Mén Tiwas. “Mara teked ditu satuanné, wiréh eling tekén paindikan ida Radén Mantri sayan nesekang mlinggih, lantas cingakina Luh Gading ngeling, lantas ida ngandika, “yéh kenapa dadi
ngeling? Dong lantasang satuané!” Mara kéto undukné Luh Gading, dadi ida éling tekén ajiné di sametonan maorta madué oka payuk tur sampun kakutang. Sawiréh kéto, lantas kapangandikain ngalih I Tiwas, luh muani. Satekedé I Tiwas makadadua di puri, lantas ia kandikain, katugesang
pesan baan Radén Mantri, unduké ia ngelah pianak Ni Luh Gading. Buina yan ia tusing nyak nuturang amun-amunné, lakar matianga. Wiréh I Tiwas takut mati, lantas aturanga sakadi-kadinné uli pangawit kayang panyuud. Mara pegat satuan I Tiwasé kéto, lantas Luh Gading saupa baan Radén Mantri tur papasihina.
“Béh, dong kaliangané adi mula misan beli saling
kakadang, dadi adi nyilibang raga. Nah jani jalan adi ka puri tangkil tekén Aji!”. Sang kalih lantas mamargi madandan tangan. Ida Radén Galuh tan mari nangis. Anaké ngaé jaja makejang pada ngiringang.
Gelising satua unduké buka kéto katur tekén Anaké
Agung di Daha, ledang pesan pakayunan ida sang Prabu, mirengang orta, okéné suba di Koripan kaduduk, lantas ida lunga ka Koripan, tur ngaksama tekén okan idané, baan ida ngutang ané malu.
Suéning-sué, déning ida Radén Mantri Koripan suba
anom, ida Radén Galuh Daha suba masih tugug duur,
lantas kabuncingang. Abulan pitung dina ramé-ramé di Koripan. Lemah peteng tuara mrérén. Sasubané okané suud mapabuncingan, mara budal ida sang Prabu Daha, déning pakayunné suba pada lédang.
104
