Kesusastran Bali Purwa
ngenah jejaitanné wiréh aji medang nanging tekek. Kayang praratuné masih makejang pada ngon tekén paundukanné Luh Gading. Radén Mantri Koripan, tan mari ngirik-irikin ia, nganti tusing magedi-gedi uli di anaké nyait. Radén Mantri lantas ngandika, “Luh, nyai madan Luh Gading? Lan dini ngoyong nyak!”
Matur Luh Gading, “titiang pamit”. Radén Mantri
lantas ngandika tekén Siramadewi, “ Bibi, aéng tawahné Luh Gading nyait sampéan, aji medang anggona, baan tekek, buin melah pesan pagaénné padaang tekén anaké lénan”.
Ngandika Siramadewi, “malah dayanin teka makejang
bisaina.” Buin ngandika Radén Mantri tekén Luh Gading, “Luh, indaang satuain beli, teka dot gati makita madingehang satua!”
Matur Luh Gading, “titiang pamit, titiang tan uning masatua”. Lantas anaké lénan kapangandikain nyatua, nanging Radén Mantri tusing ja satuame pirenganga, itep ja ida sledat-sledét nyingakin Luh Gading.
Kacerita suba pragat majejaitan, makejang anaké
mapamit saking puri. Petengnée Radén Mantri tusing sirep, tuah Luh Gading magantung-gantung di kayun. Suba paekan lemah, mara ida sirep, lantas ida nyumpenaang Luh Gading. Gelising satua, jani buin anaké ngaturang ayah ngaé jaja, ia tusing buin maboreh sera, kéwala meséh buka anaké lénan.
Béh ditu buin mawuwuh-wuwuh kajegéganné, macabuah
buka bulan purnamané. Radén Mantri buin mawuwuh
maekang dogén, nyangsan paek mlinggih tekén Luh
Gading. Luh Gading kunuk magarapan di bucu padet, tuara ngrunguang apa. Ngaé jaja masih ia paling duega, tur paling becata. Dadi angob pakayunan idané, kabetek baan tawah-tawah tetangkepné Luh Gading magarapan, buina makejang melahan dogén tekén anak lén-lénan gegarapané. Jani buin Luh Gading kapangandikain nyatua. Ditu lantas Luh Gading nyatua, nyatuaang unduk Anaké Agung di Daha miasa nunas
103
