Kesusastran Bali Purwa
18. I Brakah
Kacerita di tengah alasé ada Dukuh luh ngubu. I
Dukuh gaginanné ka tengah alasé ngalih saang, tur adepa ka negara. Sedek dina anu, ia ngalih saang ka tengah alasé. Makelo ia ngalih saang, nget ia ngasén bedak. Lantas ia mileh ngalih-alihin yéh, masih ia tusing nepukin tukad. Baan sanget bedakné, I Dukuh mileh ngalihin yéh, raris ia
nepukin clebongkakan misi yéh abedik. Ditu laut oyota yéhé di clebongkakané, ia tusing ngitungang yéh puek muah ning. Nget yéhé ento inéma. Sasubanné sanja lantas ia mulih.
Gelising cerita, nget I Dukuh beling. I Dukuh kendel pesan kenehné. Kasuén-suén suba tutug bulanan belingné, lantas belingné lekad. Anaké cerik ané lekad tusing ja magoba jlema nanging magoba alu. Anaké cerik mrasa lek baané magoba alu, lantas ia macebur ka tlagané. I Dukuh lantas ngeling ngarod-arod sambilanga masesambatanan, “cening, nguda cening las pesan ngalahin mémé. Yadin ja cening magoba alu, kénéh méméné tusing ja kénkén. Kénéh Méméné tresna pesan tekén cening. Yadin ja cening magoba alu, mémé tusing ja ngéwehang ento. Jani yén cening tresna tekén mémé, enahang ragan ceningé!” Makelo-kelo ia masesambatan, lantas aluné ngenah. I Dukuh ngenggalang nyemak, tur abana ka nalené. Aluné sai-sai kapreténin, cara mreténin anak cerik pusuh.
I Alu ngomong tekén méménné, “ mémé jani adanin tiang I Brakah!” Méménné turut tekén sapamunyin panakné.
Kacerita I Brakah suba matuuh pitung dina, lantas
ia ngomong tekén méménné, “mémé, kema beliang tiang tambah cenik abesik, tiang lakar malajah mabian!”
Méménné masaut, “da suba cening mabian, apa cening
kuangan, orahang dogén tekén mémé! I Brakah lantas ngeling maguyang, mara tusing baanga mabian. Krana I Brakah tusing dadi tungkulanga, lantas méménné ngénggalang ka désa meli tambah abesik. I Brakah ngawitin numbeg tongos
105
