Kesusastran Bali Purwa
kéto lantas ida mawecana kéné, “nah né Mémé, Bapa pada, da pesan ngomong nyinggihang tiang, anggon tiang cara pianak, apang da enggal anaké tau. Adanin tiang, ih, dija wit Méméné gati?”
Mén tiwas ngaturang déwékné uli Tiinggading.
“Nah, kaukin tiang Ni Luh Tiing Gading, akuin tiang kaponakan!” Kéto pangandikan Radén Galuh Daha, wiréh kéto pangidihan anaké cerik, I Tiwas luh miani saturut tur Ni Luh Tiing Gading kasayangan pesan.
Kacerita jani prabuné di Koripan, madue oka lanang
asiki, suba ngantiang anom. Jani ngantiang otonan ida Radén Mantri, panjak Idané makejang lantas kadauhin, kapangandikaang ngaturang pangayahan nebuk ka puri. Mén Tiwas masih orahina. Mara dingeha ada arah-arah, lantas Ni Luh Gading ngomong tekén Mén Tiwas “Mémé, tiang ja baang ngayah ka puri nah? Mémé jumah ngijeng!”
Masaut Mén Tiwas, “ah do, awak cenik sada pangkah
dogén, apang ada kedekina, anak liu ditu ngayah, kadén buka dini suung.”
Ngomong buin Luh Tiing Gading, “Mé baang ja nah Me! Apang nawang tiang puri. Gaénang men tiang luu
cenik!”
“Nah kéto ja kema, nyan da kual di puri, nyén
menggahina tekén Anaké Agung!” Ditu lantas Mén Tiwas ngalih buluh kadampala alawas lakar baanga pianakné. Buin mani seméngan Ni Luh Tiing Gading ngomong tekén méméné, “Mémé, kema ja uligang tiang sera nyan asibak, lakar anggon boreh!”
Masaut Mén Tiwas tengkejut, “né kénkén si i cening
dadi sera anggon boréh?” Nyén nyanan kodag baan timpalé maekin”.
“Nah téh kema gaénang!” Kéto omong Luh Gadingé,
lantas Mén Tiowas nguligang sera. Suba pragat, lantas Luh Gading maboréh, laut majalan.
101
