Kaca puniki kavalidasi
82
- Ne buin Bapa nutugang, satwa menekang di gurit, bahane nu kejokan, ne di malu tonden pasti, midarta ambul jatin, pahilehan i Banyu wurung, jani Bapa nyambungang, apang Gusti tetep uning, teken letuh, banyu wurunge kaucap.
- Sakarya ala maparan, paran malukwa angurit, nandur da nganggon diwasa, makadi nyalanang pipis, manawu muwah manampi, ata kabuatang manebus, apan kawatang coksa, yen anggon pacang mameli, kamben saput, bikule galak nyatruwang.
- Kalih yen anggon pamayah, selaka mas len manik, tuwara makelo gelahang, lawut kacolong ban maling, yadin anggon mameli, nyanda jadma enggal lampus, palannya to pelihin, banyu wurung, nge da twara ngingetang.
