Kaca puniki kavalidasi
1.27 GEGURITAN CECIMPEDAN
Puh Dangdang
- Yennya medal ipun kala wengi, bisa ngucap, sada cante pisan, magonjakan ring timpale, yen luas makalungan, diastu joh desa ne ungsi, taler ipun irika, ring genahe bau, tan magingsir kija-kija, saget ical, saget kanten ipun malih, taler ring genah punika.
- Mangkin seos ceritaang malih, paksi raja, suara kadi kumbang, makampid tan pabulu, wenten tendas tan pakuping, ipun kengin palinggihan, makeber manambung, ngawang-awang ring ambara, yening telas, bekel tatedannya sami, ipun mangulungang awak.
Puh Pucung
- Kaki Pucung, awak bunter maratungtung, basange anginan, siang paek ya maninjakin, uber keping I Kaki incang-incangang.
- Ada nanjung, I Kaki ngaduh maklumpung, dakep buin lebang, jani tinjakin ulati, jerarat-jerurut, ada mamelet-meletang.
- Saget nambung; kentungang baan I Dempung, ulung nepen tendas, buin I Kaki ngalilik, raris saup, pantigang lantas entungang.
- Pada laju, sang manguber mangaruruh, tan pangitung baya, ada jak roang magatik, ada labuh, ne nguber slimputin timpal.
- Suba punyu, sang nguber ne ajak liu, ada ngawangsitang, nunden nyuuang nyakitin, Kaki Pucung, jani sangkol ajak budal.
Puh Durma
- Tembang durma anggen titiang cecimpedan, nging ampura Dewa Gusti, wenten mangkin kocap, juru boros sareng Patpat, sampun mamasangang jaring, ring tegal melakang,
83