Kaca puniki kavalidasi
81
- ala, tan yogiya pacang marginin, titah tuduh, menga pepete manimbul.
- Yen kabuatan pacang luas, mangalih be di pasih, len mangalih pacang braya, muwah ngubadin anak sakit, di mengane patitis, yen soroh pacang mangrangsuk, mantra buat kateguhan, mang awe empalin kalih, nembok ditu, pepete sedeng tujuwang.
- Triwaran sasihe nimbal, Jesta Kawulu kalima jati, Karo to kaucapang, sasih becik kahadanin, buwat mapapara becik, mas boga pacang katemu, Kasa Kapat Kadasa, Kapitune ditu becik, mangendon musuh, mapala jayeng payudan.
- Sasih Kajeng to adannya, yen Sada Kenem Ketiga twi, Kasangane to ne ala, sasih basa ya kadanin, ditu sedeng ya pelihin, maparan ngendon laku, kadang braya masihana, pecak ajak makilit, malu-malu, mabalik medeg palannya.
- Ne ada dewasa melah, banyu milik kadanin, yen manuju panglong, muah tanggal ping pitu dasa wiakti, lawut ditu nemonin, Tungleh Panglong niran manuju, sakarya ayu dahat, maparan lintang becik, sapalaku, sidaning sadia palannya.
- Muwah yen nuju Coma, wara Ugu Anggaraning Tambir, Sukran Uyene ne miwah, Wrespatin Dukute wiakti, Kala Jengking kaadanin, amangun tetajen ayu, sing ngendon tan wun pejah, yen pacang dina magunting, patemunnya, to da pisan uganggoang.
- Yen dina mangun sảnjata, muah taji tuju Prawani, ne matemu teken Nagana, utehen to juwa alih, yen dina Buda Paing, Kuningan Wayange nuju, tanggal pindone kocap, kajeng kepkepan kadanin, nggawe bubu, kungkungan ditu pipitang.
- Dewasa mangejuk siap, yadin diluase ngalih, anutang di astawara, yen Sri Kulawune pindrih, Indrane Wangkas alih, Guru sa kedase tuju, Yama Barumbun ulah, Rudra Srawah Brahma Biing, di Kalane, Buik Uma Ijo melah.
