Kaca puniki kavalidasi
1.19 GEGURITAN PANJI SEMIRANG
Puh Demung
- Kocapan wong sanegari tua bajang, pada pesu pagrudug, den ing suba tau, yen Rahaden Kertapati, nene jani budal to krana jejel supenuh, namping sisin marga, pada kangen di ati, katinggal ban Nrepasuta, sang pinaka kembang magantung.
- Gumine masawang sedih kablasinan, dening Rahaden Inu. suba lami ditu, tur macihna mangayubin, sapraja Gagelan dadi pancer liwat kukuh, ento maawanan, landuh tan keneng wiadi, sutrepti gemuh raharja, twara ada mangaru biru.
- Kudiang tani wedi asih wong negara, tresna suba sumuyud. jani mangaduung, idepnyane kabudalin, pada mapangenan, ngame-ngame Dewa Ratu, buung kuda ida, budal saking iriki, yadin payu madak enggal, buin tulak dini malungguh.
- Keto rawesnya pakrimik sisin marga, ada nene paduuh, kangennyane muput, twara dusin pesu munyi, "Ratų Panembahan, nguda se elas kadurus, mambudalin titiang, panjake tresna bakti, pidan malih ratu titiang, buin ngenot Ratu Dewagung.
- I Ratu mangkin ninggalin tong buungan, jagate suung mungmung, kudyang tani samun, ne dadi sekar uegari, Ratu mangkin budal, yan kija pacang manyujur, tulus Ratu titiang, samanya tadah asih, sedih ngulati i bulan, winduan tong sida katepuk".
- Sapunika sesambating wong kalaran, ilen to ada kawuwus, bengong masidekung, mendep twara pesu munyi, baan kagaokan, kenehnya pada andalu, Diah Candrakirana, salah padenan sami, twara ada nene nawang, ento dadi gambuhe malu.
- Pangrasannyane di ati manyengguhang, jeneng Putri piturun, krana nene malu, twara ko taen iwasin, tumben jani
60
