Kaca puniki kavalidasi
59
- Munggah dane gegelisan, ring bale pangaring aring, makakudung sutra ijo, raris malinggih, bengong yeh tingale membah, sarwi anangis, nglilaang tan kena lila.
- Rahaden Galuh ngandika, "Kenken baan kai jani, mangalihang daya reko, apanga ya dadi saru, lamuna kene satata, twah tan polih, sang prabu mapanak ira.
- Apa ja gawenya suka, sedihe raina wengi, suba te twah dane joh, manggawe san ati ibuk, ken Bayan ngentikang daya, nging di ati, ento pet jani aturang".