Kaca puniki kavalidasi
230
manak, katinggalan antuk warih, tan urung ugemasin pejah.
- Yan tan Ratu rauh sane mangkin, wiyakti titiang, pacang ngemasin, wangiring kayun i ari, jaga ne benjang punika, ida jagi las mapamit, wiakti sareng iring titiang, wiakti sapunika Ratu, “Sang Natasuta miarsa, suka enyag, kayun idane miragi, kadi gedahe pantigang.
- Sembah buyar tong kena tuptupin, kayunida, raris mangandika, wecanane welas asih, i wang jro raris matur, "Sampun manjangang ne mangkin, nunas Dewa ka gedongan, i rika mlungguh," saksana ngungkabang lawang, sampun kanten, palungguk I Raden Mantri kacunduk tur kacingak.
- Sang Diah sampun tates ningalin, sang aprapta, eling teken raga, wireh tininggale nguni, dadi ida metu bendu, mabading tuara manolih, Sang Bimaniu manyingak, sang maniking puri bendu, ditu Ida mara ngrasa, ya ring manah, raris mangandike aris, "Sinampura ugi titiang".
- Eling Ratu titiang kadi mangkin, duke kuna, matunggalan manah, makaronan ring I Manik, tur masobaya sampun, sakadi titiang maninggalin, yan apa to makada, kosek manahe dumun, dadi titiang matinggal, takut pejah, titiang mangiring i Manik, yan nyen mangunduhang.
- Baya ganti titiang mamanggihin, kasangsaran, dadi ucap jagat, kawana titiange nguni, manyilib kayun I ratu, ento makrane buka jani, wiakti mbiurang jagat, Bapa sami pada tau, ring titiang momorr matingkah, tuara simpang tambis mangemesin mati, dadi ada mangelidang.
- Ne mangkin Ratu Mas Manik, atma jiwa, upamiang titiang, I Ratu kadi ring tulis, sakit manah titiang, Ratu sueban titiang manganti, I Ratu tan pangucap, dadi masmurengu, tuara sakadi ne suba, arsan ida, to makrana buka jani, dening titiang lintang arsa.
- Tuna goba tuna daging, kirang ucapan, wiakti kirang manah, ten panyama tan pakanti, mamarekan ring I Ratu, sue ban titiang irika, ngaula ring I Dewa, ne mangkin sampunang, olas ngaulaang titiang, dening ada, lianan bagus tur sugih, ento makerana Ratu kenak.
