Kaca puniki kavalidasi
2.10 GATOTKACASRAYA PARIKAN
Puh Dangdang
- Puputang pangentos sane mangkin, kacarita Diah Sitisundaria,meling mangkin ring ragane, wang jerone sami gupuh, mangalih Rahaden Dewi, Ni Diah Sitisundaria, manangis tumungkul, meling ida teken raga, iwang jero, dadi ya mapungu gelis, "Sampunang banget nyungkanang”.
- Bagia titiang sekadi mangkin, mangidasang, yan Beli kasadian, ne mangkin titiang manyilib, sing sanget dane rauh, titiang pamit nene mangkin, "Rahaden aturua, iwang jero raris pesu, tan kocapang maring jalan, kaucapan, Sang Bimaniu ne mangkin, sampun rauh ving bancingah.
- Sareng ring Sang Nata luih, purabaya, Ida Sang Gatotkaca, manyingak panjake sami, pada tragia ya manunggu, ebek ring bancingah titib, ada len ngaba panah, bedil miwah tulup, len kantar kuda liman, patebengan, makanda-kanda ya sami, keweh pisan ya ngrasaang.
- Sang Bimaniu matur aglis, ring Sang Nata, ring Sang Gatotkaca, “Sapunapi antuk mangkin, antuk malaksana Ratu, umanjing sajroning puri, wireh ipun sami tragia, makandakanda ditu, wiakti angob Ratu titiang, mangantenang," Sang Gatotkaca nyaurin, "Sampun Ratu manyungkanang".
- Sang Gatotkaca pramangkin, ngeregepang, amusti krana yuga, japa mantra sane luih, sampun kasimpen ring kayun, sisirepe utama lewih, punika kauncarang, dadi ta ya manyusup, sakalwiring maambekan, Sama-sama, manusa sarwa gumitit, sami lali teken awak.
- Saksana ring bancingah prapti, ring jro rajya, page leplep nidra, sakari wang jerone sami, miwah sang sarining rum, kocap Sang Bimaniu mangkin, mamargi ngapuriang, iwang jro kacunduk maring kori manegak, ngaturang sembah, Sang Bimaniu mangaksi, wang jrone matur nyapa.
- "Ratu Sang Bagus wau prapti. sadia titiang, rain Cokor I Dewa, raina wengi manangis, angde kadi kedis cucur, i sasi sampun maninggalin. dening kati-leman. kaleman. kadi klik-klik sungsut. sai-sai ngajap tawang. luir
229
