Kaca puniki kavalidasi
228
panjake tresna, paye anyong lebur mati, antuk cucud, ngiring prentah pakayunan.
- Sanghyang Indra gustin titiang, pireng atur titiang I Arini, boya tolih titiang cingak, gela-gela tumbuhin wing, kautus nyengkaonin, newek mamargi nyeluksuk, nglalu tong nyandang untas, tuduh ugug kawastenin, saking Ratu, awanan titiange nraka.
- Atwang karanane papa, nguda pangker titiang mangkin, sampun ngreres meh antaka, pamuput uripe mati, bas kadurus antuk lalis, I Ratu Hyang Sacikakung, sakit pamuput welas, suecan I Ratune riin, duaning lampus, titiang kene kena temah.
- Inggih Ratu Hyang Asmara, Dewan sekar pasir ukir, dong mijil ke tinjo titiang, I Arini gelis-gelis, mangda seger waras malih, kretesin ban kamandalu, sampunang sue manyangcang, inggih tunasang titiang urip, ring Sang Wiku, Trenawindu nemah titiang.
- Dong selaang Ratu teka, ageyang ugi nyagjagin, mangda wenten genah titiang, mabesen mawekas kidik, yen titiang sampun mati, keni suecan Ratu nukuk, bangken titi ange dabdab, apang nyanding kayu tangi, geseng puun, mandadi aon makejang.
- Kanyenyeran matan titiang, mangda sueca Ratu ngirim. antuk bokor ka segara, ne matoya madu gendis, sebit gigin titiang putih. pejang ring srigeding pusuh. kalematan lengen titiang, kingsanang ring gadung miik. sane layu. ngaleglog mangeatgat tawang.
- Kamerosan batis titiang. sane sentak lumlum gading. genahang ring Dewan pudak. lempot tapid titiang becik. ranjingang di sekar miik, sabuke matasmen luung, ejang kretasan toya, tindakan titiange becik, banban paut, kingsanang di tindak gajah.
- Eling titiang seret serat, apang kakingsanang ugi, ring i paksi tadaharsa, engkak-engkik game raris, bok titiange demdem wilis, ejang di mega ngemu jauh, alis titiange maparas. tajep usan masipatih, mangda akur, sareng ring daun intaran?".
