Kaca puniki kavalidasi
140
- Laut mamangguh cerukcuk, ninggahin carang waringin, ane ngicenin I Bawang, mas mirahe sarwa lewih, muah busanane endah, ento laut katunasin.
- Ni Kesuna laut matur, manyumbah tur mangumikmik, "Nunas ica Dewan titiang, panjeroane kawelas asih, ngutang awak ningal desa, nyusupin alase pingit".
- I Cerukcuk liwating asung, sapinunasnya madaging, ka badongin baan ula, kalungnya lelipi jali, kagelangin baan lelipi, subatah sengkang di kuping,
- Mabungkung jelati kalung, teledu anggon Mayasin, mapending magelang kana, mablengker ban ulad-alid, kumatat-kumitit pada, geli mangresresang ati.
- I Gerukcuk laut umabur, Ni Kesuna bintit mlaib tomplepati gabag, giseh-giseh kecuang-kecuing, paling mangalih rurungan, kapapas macane nelik.
- Singa barong Javan penuk, gajah warake kapanggih, isi alas galak mangerah, Ni Kesuna nunas mati, denan idup sukaan pejah, manandangin sakit ati.
- Jerat-jerit tulung—tulung , gelar-gelor kaik-kaik, mangeling masesambatan, mandulame yayah bibi, nunas titang sesupatan, kascaryan niragi munyi.
- Buron alase Paceguk, sami mangresresang ati, Ni Kesune engsek di manah, maselselan nyakit ati, naen manemu sengsara, i kedis Crukcuk bebeki.
- Ni Kesuna liwat takut nyelibsib ka alas krasi, manganti-antiang lemas, gasgas-gisgis kaap kuri, kumatat-kumitite kacag, "Nyen ento nagih sami.
- Saget suba pukul pitu, Ni Kesuna ngucung mulih, mangojog umah dadongnya, mangelur nagih ampakin, dadongnya masaut banggras, "Nyen ento nagih ampakin.
- Nyen sih ento kauk-kauk, "Ni Kesuna saur eling", Tiang cucun Dadonge teka, "Ni Kesuna putun Nini", ngengken siga mai teka, mai managih ampakin.