Kaca:Kembang Rampe Kasusastraan Bali Purwa Wewidangan I Buku II.pdf/148

Saking Wikisource
Kaca puniki kavalidasi

141

  1. Enggalang magedi pesu, eda siga kumah Niní, tomplok kai ban belida, Ni Kesuna nyrutcut mulih, kanggoang bapannya, memennya laut gelurin.
  2. "Nyen sih ento gelar-gelur", Ni Kesuna saur eling, "Tiang Ní Kesuna teka", ngenken iba dadi mulih, kanggoang kenehe suba, magedi síga da mai.
  3. Tuara sela kai pesu, mangampakin siga kori, sepalaan siga elas, mabapa kalih mabibi, suud wekas mapianak, teken cicinge ne canggih.
  4. Ni Kesuna laut pesu, majalan sigsigan ngeling, sing jalan mareren negak, mapangenan pelan arig, yening tuara ada olas, i tulang kaput i kulit.
  5. Tan urungan mangkia lampus, "Matin títiange besbes cicing bedeng mai bedeng kema, nyen sih tresna mangolasin, suka titiang juru sampat, saidupan kapanjakin".
  6. Peteng lemah sedih ngungun, ng anti berag nyakit ati, tuara ja madaar-daar, eling teken yayah bibi, kalih i embok Ni Bawang; makejang tuara ja sudi.
  7. Suba te awake lacur, apa sih tuun numadi, uli cerik nama wirang, kayang kelih buka jani, ditu Bawang apang melah, depang suba awake mati.
  8. Tan pakrana tan paunduk, dadi kene katepukin, sakite anggon dadalan, mara marasa si ati, pilede teken Ni Bawang, dadi kene masin kai.
  9. To Ni Bawang masesumbung, to dosan ibane canggih, tan ada adaang iba, misunaang awake lengit, satata iba temokang, sing suud manyakit ati.
  10. Aketo kojaranipun, janmane misuna sai, sinah pacang manggih lara, nanging sane kasengitin, yan sampun sujati darma, janten pacang manggih lewih.
  11. Yening loba dadí agung, iri atine puponin, demen teken gelah anak, asing sugih nganggo lewih, ento nagih upadiang, apan tan titahing Widi.